Kuki Father's Love Letter PDF Text Files

*Important Notice when printing:
When printing pdfs, make sure you set the 'page scaling' option to 'none in your printer settings '.
Kuki Father's Love Letter PDF
Right click to download / Left click to view online

Kuki Father's Love Letter 

KAPA NGAILUT NA LEKHA THOT
KACHA,

Nangin vang nei hethem poi. Hinlah ken vang nanga ijakai ka hesoh keije (Ps139:1). Na tou thimpet na din doh pet jong kahei (Ps 139:2). Na chon nam lhah abon chan ka hei (Ps139:3). Ajeh chu Keima lim le mel a kisem nahi (Gen1:27). Na hindan na chondan jong Keima a nahi (Acts 17:28). Ajeh chu nangma hi Keima chilhah nahi (Acts 17:28). Na nu oi sunga na kisem masanga Kahet na hitai (Jer 1:4-5). Ka semtil a pat a kana het, lhendoh sa nahi tai (Ephe 1:11-12). Akisem khel nahipoi, na hin kum kho jat ka jih a ka lekhabu sunga Ka jih lut nahi tai (Ps 139:15-16). Na hung pen ding nikho leh na chenna ding mun gon tohsa ka koi ahi (Acts 17:26). Kidang tah le datmo umtah a sem nahi (Ps 139:14). Na nu oi sunga ka jopmat tohsa nahi (Ps 139:13). Na nu oi sunga kon a na dom lha jong kahi (Ps71:6). Eimu chen theilou hon ei hethem pouve (Jn 8:41-44). Kalung a hang pon, ka gamlha dehpoi. Ahin ka ngailutna a na housat ding hi nanga dia keima lunggel ahi (1 Jn 3:1). Ajeh chu nangma Ka cha deitah nahin keima na hingpa na pa kahi (1 Jn 3:1). Leija na pa in na bolpeh thei jat sanga ka bol peh thei nahi (Mt 7:11). Ajeh chu keima hina pa tah tah dia lhingset kahi (Mt 5:48). Thil pha sim joulou na chan ho jouse hi keima khut a kon ahi (Jams 1:17). Ajeh chu keima hi phatthei konna kahin, nangma ngaichat pethei pa kahi (Mt 6:31-33). Kinepna in na khonung a juijing ding hi nangma dinga ka gonpeh nahi (Jer 29:11). Ajeh chu ka ngailut nahi. I tih lai a jong kem theilou ding nahi (Jer 31:3). Nangma ka khotona hi twikhang len panga nel simsenlou bang ding ahi (Ps 139:17-18). Na chunga thilpha ka boljing ding ahi (Zep 3:17). Na chunga thilpha ka boljing jeng ding ahi (Jer 32:40). Ajeh chu nangma hi ka goulu nahi (Exo 19:5). Ka lungthim pumpi le ka lhagao pumpia thingtu a tulut ding hi nang dia ka lungtup pen chu ahi (Jer 32:41).
Nang dia thil kidang ho le kisel guh ho na vetsah inge (Jer 33:3). Na lungthim pumpia nei hol le neimu ding ahi (Deut 4:29). Keima a kipah thanom jingin chutileh na lung ngaichat ka peh ding nahi (Ps 37:4). Ajeh chu hiche ngaichatna pe a chu keima kahi (Phil 2:13). Na ngaito khel lam peh a bol peh thei kahi (Ephe 3:20). Ajeh chu Keima hi nanga dia kitilkhouna theipen kahi (2 Thess 2:16-17). Chuleh na hahsat laitah a na umpi na pa tahtah kahi (2 Cor 1:3-4). Na lung chang natlai tah a na koma um chu kahi (Ps 34:18). Kelngoi ching pan a kelngoi apoh banga ka lung changa kapoh jing nahi (Isa 40:11). Nikhat le na mit a kon mitlhi ka theh hul peh ding nahi (Rev 21:3-4). Chuleh hiche leisetna na thohgimna jouse kalah mangpeh ding nahi (Rev 21:3-4). Na pa tahtah kahi. Ka chapa Jesu ka ngailut banga kangailut nahi (Jn 17:23). Ajeh chu Jesu Christa a ka ngailutna kamu sahtai (Jn 17:6). Ama hi keimatah eiphong doh tu chu ahi (Heb1:3). Ama chu nangma pa kahina lhingset in na mu sahtai. Nangma dou kahi poi (Rom 8:31). Chuleh na chonsetna kasim pehpoi (2 Cor 5:18-19). Nang leh kei kichamna dingin Jesu amatah ahung thin ahi (Cor 5:18-19). Athina tah chun nangma ka ngailutna a phongdoh tai (1 Jn 410). Ka ngailutna na hetthem na dingin ka itpen ka pedoh tan ahi (Rom 8:31-32). Jesu, ka chapa a kathil peh na kisan leh keima nei kisanna ahitai (1 Jn 2:23). Hichun ka ngailutna thildang in a khen theilou ding ahitai (Rom 8:38-39). Inn a hung kinung le kittan, van in jong amu khahlou golvah thupi tah ka bolpeh ding nahi (Lk 13:7). I tih lai a jong na pa tahtah kahi, khunung jong le na a tahtah chu kahi (Ephe 3:14-15). Kahin doh nom chu… ka cha tahtah nahi nom em? (Jn 1:12-13). Ka hin ngah jinge (Lk 15:11-32).
Ngailut Napa
Hingjing leh Hatjing
PATHEN
ACKNOWLEDGEMENTS:
Special thanks to David Jangminlen for translating the Father's Love Letter into Kuki.
Please feel free to copy and share all of the resources on this page as long as you do so free of charge.