Ao Father's Love Letter PDF Text File

*Important Notice when printing:
When printing pdfs, make sure you set the 'page scaling' option to 'none in your printer settings '.
Ao Father's Love Letter A4 PDF
Right click to download / Left click to view online
Ao Father's Love Letter
TEBU TEMEIM SHITI
(Tsüngrem nungi ne juri osang ka)

Kü chir,

Naibo ni memetettsü akok, saka nibo ne indang ajak meteta lir T.Ken139:1
Ni na amendang aser  nokdakdang meteta lir. T.Ken 139:2
Ni ne lenmangtem ajak meteta lir T.Ken 139:3
Ne kolak nung aliba kua ajak züngdangteta lir Mathi 10:29-31 
Kechiaser na ni mesükba nung yanglu Lipok 1:27
Kü dak nenok alir aser arakzür aser taküm alir Tenyartem Mapa 17:28
Kechiaser na kü chir lir Tenyartem Mapa 17:28
Ni na masodang yongi meteta liasü            Yerimia 1:4-5
Alima meyangludang yongi ni na shimteter liasü Efesa 1:11-12
Na ya aibelenba nisung ka masu, kechiaser ne anogotem ajak kü kaket nung zülua lir T.Ken 139:15-16 Na asotsü asoshi tim mapang aser na alitsü asoshi tim tesem ni shimteta ayu T.Mapa 17:26
Na ya tetsübutsüka aser tesungmangtsüka yanglua lir T.Ken 139:14
Ni na nütsü nü menden nung yanger T.Ken 139:13
Aser ne tasonü ni na aniteta liasü T.Ken 71:6
Shirnoki ni jangja memetet, parnoki ni mashileni angateter Yohan 8: 41-44
Ni talang nung aser jashia malir, saka ni ya rangben temeim temaitsü lir 1 Yohan 4:16 
Aser ni ne nem  temeim molamoshia agutsütsü mulunga lir 1 Yohan 3:1
kechiaser na kü chir lir aser ni nebu lir. 1 Yohan 3:1
Alima nung aliba tebu dang nungibo ni ne nem tagütsütsü aika lir  Mathi 7:11
kechiaser ni tabensaba tebu    Mathi 5:48
Nai agizükba Sempet tajung shiaji kü teka nungi aruba lir  Yakob 1:17
Kechiyong ni tagutsür lir aser ni ne nüngdak ajak peridaktsütsü Mathi 6:31-33.
Ne tarütsü asoshi kü sentong teti teimla agi sünga lir Yerimia 29:11
Kechiyong ni na teti tatem makaba temeim agi meimer Yerimia 31:3
Na asoshi kü tebilembatem mezüngdangtet aser tzüküm nung aliba lisem ama lir T.Ken 139:17-18.
Ken atenba agi ni ne madak pelar. Zefania 3:17
Ni na asoshi tajung inyakba kodanga manentsü Yerimia 32:40
Kechiaser na kü senti rongsen lir Anitet 19:5
Ni kü temunglungjang ajak agi aser kü nela ajak agi yangludaktsüner. Yerimai 32:41
Aser ni ne dang miim mapa tulu jungkai adoka sayuner. Yerimia 33:3
Nai ne mulungjang ajak agi ni bushira, nai ni angutsü. Tazüngkunem 4:29
Kü dang pela-ang aser ni ne nem ne mulungi jangraba ajak agütsütsü. T.Ken 37:4
Kechiaser ne tejangrabatem ni agütsuba lir. Filipi 2:13
Nai bilemba dang nungi taliba ni na asoshi inyaktsü akok. Efesa 3:20
Kechiaser ni tajungshir tulutiba. 2 Tesalonika 2:16-17
Ni ya Tebu, shibai ne timtem aser tekangshi ajak nung süneptsür. 2 Korint 1:3-4
Kodang na temulung raksar, ni na anasa lir. T.Ken 34:18
Kechi koda sannükeri pei san teku nung ajunger yamaji ni na kü mulungjang anasa anir aruogo. Isaia 40:11
Kenü anogo ni ne tenük nungi nuktzü ajak aidoktsütsü. Jungkai Adok 21:3-4
Aser ni nai iba lima nung ajuruba tekangshi ajak bener aotsü. Jungkai Adok 21:3-4
Ni nebu lir aser kü jabaso meimba ama ni na meimer. Yohan 17:23
Kechiaser Yisü ajanga, kü temeim na asoshi jungkai adoker. Yohan 17:26
Pa ji ni taküm aliba chichiba temaitsü lir. Ibri 1:3
Pa arubaji, ni na anema masu saka na asoshi lir ta sayutsü asoshi aruba lir. Rom 8:31
Aser ni ne temenen mazünger ta ashitsü asoshi. 2 Korint 5:18-19
Na aser ni tsüngda tesendaktep aser telungjem alitsü asoshi Yisü asü. 2 Korint 5:18-19
Pa asübaji kü temeim na asoshi tematiba temaitsü lir. 1 Yohan 4:10
Ni na asoshi ni meimba ajak doktsü ne temeim ajangzüktsü asoshi. Rom 8:31-32
Nai kü chir Yisü agizükra, nai ni agizüker. 1 Yohan 2:23
Aser kechaia kü temeim na nungi ano tanaben piladaktsüstsü makok. Rom 8:38-39
 Kidangi arung aser ni kotak nung kodanga mangudangba benjong tuluka na asoshi ayongzükdi.
Luke 15:7
Ni teti tebu liasu aser anosa teti tebu asutsü.
Efesa3:14-15 Kü tasungdangba ji……….
Na kü chir asütsüa sü? Yohan 1:12-13
 Ni na asoshi atadar. Luke 15:11-3

Temeim, Nebu
Tematiba Tsüngrem
Abba.
ACKNOWLEDGEMENTS:
Special thanks to Rev. Bendang Longkumer for translating the Father's Love Letter into Ao.
Please feel free to copy and share all of the resources on this page as long as you do so free of charge.