Chuukese Father's Love Letter Instrumental Video

Video Courtesy of Berge Boyadjian

Chuukese Father's Love Letter Text

 Än Samach Taroween Tong Ngeni Kich

Kei kapas kopwe anneani, mi ennet. Repwe siwini unusen manawom, ika kopwe mochen. Pun ra feito seni netipen God. I a tongek, nge I Semom ka kukkuta unusen manawom. Ei poraus fanitom seni Semom we non nang.

Nei,

En, kosapw sinei ei, nge Ngang uwa unusen weweituuk. Könupin 139:1

Ngang uwa sinei nupwen omw ka fettatiw, o uwa pwan sinei nupwen omw ka uta. Könupin 139:1

Ngang uwa fakkun weweiti nonnomun manawom. Könupin 139:3

Ina mwo nge Uwa fen sinei ukukun unen mökurom. Matthew 10:29-31

Pun uwa föruketa ussun chök Ngang. Genesis 1:27

Non Ngang ka manaw, ka mökútúkút, o pokiten Ngang ka manaw. Föfför 17:28

Pun en nei mi achengicheng. Föfför 17:28

Uwa fen sineek me mwen kese mwo fis. Jeremiah 1:4-5

Uwa finuketa nupwen uwa föri fonufan me masowan. Ephesus 1:11-12

Esap namwot muan om fisita. Könupin 139:15-16

Pun ranin manawom a mak non nei we puk. Könupin 139:15-16

Uwa ókkóta ewe fansoun kopwe upwutiw o ian kopwe nonnom ie. Föfför 17:26

Uwa tumunufichi ai föruk, ina popun ka ning. Könupin 139:14

Uwa fakkun tichik ne föruk non nenuken inom. Könupin 139:13

Uwa oupwaketiw non ewe ran ka upwutiw. Könupin 71:6

Rese pwäröchuei, ekkewe aramas rese sinei ei. John 8:41-44

Ngang use tongomang ika towaw, use pwan songokai. Nge uwa pwäröchu ai tong ngonuk. 1 John 4:16

Seni non pwusin unusen netipei Uwa mochen pwäri ngonuk unusen ai tong ngonuk. 1 John 3:1

Pun en nei, nge Ngang Semom. 1 John 3:1

A watte ai fang ngonuk nap seni semom won fonufan. Matthew 7:11

Pun Ngang ewe Sam mi fakkun unusöch. Matthew 5:48

Meinisin kewe niffang mei murinnö ra feito seni ne pei. James 1:17

Ngang ewe Chon Awora ngonuk mettoch meinisin minne ka osupwang ren. Matthew 6:31-33

Ai kokkot ngonuk faniten kana fansoun mwach, epwe awor omw epinukunuköch. Jeremiah 29:11

Pun Uwa tongek ren ei tong ese mwuch. Jeremiah 31:3

Ai kewe ekiek fanitom ussun chommongun foun piin aroset. Könupin 139:17-18

Iwe Uwa pwapwa fanitom ren kön. Zepheniah 3:17

Usap fakkun ukutiw ne föri men öch fanitom. Jeremiah 32:40

Pun en ka fakkun auchea me rei. Exodus 19:5

Uwa akkóta seni non unusen netipei me nguni omw kopwe feffeita non omw pöchöchün. Jeremiah 32:41

Uwa mochen pwäri ngonuk kewe mettoch mi fakkun amwarar. Jeremiah 33:3

Ika ka kutta ei seni ren unusen netipom, iwe kopwe kuna ei. Deuteronomy 4:29

Ika kopwe pwapwaiti Ngang, iwe upwe ngonuk met ka mochen. Könupin 37:4

Pun Ngang uwa wisen ngonuk kei mochen. Philippians 2:13

Uwa tufichin föri mettoch fanitom nap seni met ka ekieki. Ephesus 3:20

Pung Ngang ewe Chon Apöchökünok mi napanap. 2 Thessalonica 2:16-17

Pwan Ngang ewe Semenap a wisen echipok non om kewe riaffou meinisin. 2 Corinth 1:3-4

Nupwen a tatakis netipom uwa arap ngonuk. Könupin 34:18

Ussun emön chon massen siip a uwei emön nam, uwa ekiik fän mwari. Isaiah 40:11

Fan ew ran upwe tönano chönun mesom meinisin. Pwarata 21:3-4

Upwe ne angei senuk meinisin kana weiris ka äni riaffou me won ewe fonufan. Pwarata 21:3-4

Ngang Semom, iwe uwa tongek ussun uwa tongei nei we Jesus. John 17:23

Pun non Jesus ai tong ngonuk a pwäpwänó. John 17:26

Pun I a pwäranó wesewesen ussi me napanapei. Hebrew 1:3

I a feito pwe epwe pwäranó pwe Ngang uwa akkangang fanitemi, nge usap ungeni kemi. Rome 8:31

O epwe pwan ereni kemi pwe Usapw akkanneani om kewe tipis. 2 Corinth 5:18-19

Jesus a mäno pwe en me Ngang sipwe chäfengen nefinach. 2 Corinth 5:18-19

Än Jesus mäno a pwäröchunó unusen ai tong ngonuk. 1 John 4:10

Uwa fanganó unusen minne uwa tongei pwe upwe tongeni winneni om tong. Rome 8:31-32

Ika ka angei ei niffang, nei we Jesus, ka pwan äni ei. 1 John 2:23

Iwe ese pwan wor óch mettoch epwe chuwen aimusenuk ai we tong. Rome 8:38-39

Niwin sefanito rei non imwei iwe upwe föri ew watte pari nang esa mwo kukkuna. Luke 15:7

Ngang wesewesen ewe Semenap, pwan Ngang ewe Semenap feinfeino. Ephesus 3:14-15

Ai kapaseis… met, kepwe emön nei? John1:12-13

Ngang, uwa chök witiwituk. Luke 15:11-32

Uwa tongek, Seni Semom we,
ewe God mi Unusen Manaman.
ACKNOWLEDGEMENTS:
Special thanks to Roger & Amy Krum for translating the Father's Love Letter into Chuukese.
Please feel free to copy and share all of the resources on this page as long as you do so free of charge.