Gaelic Father's Love Letter Instrumental Video

Video Courtesy of Berge Boyadjian

Gaelic Father's Love Letter

Litir Gràidh an Athair
Teachdaireachd Mhion-eòlach bho Dhia Thugadsa

Mo Leanabh,

'S dòcha nach aithne dhut mise, ach is aithne dhòmhsa
a h-uile nì mu do dheidhinn-sa
Salm 139:1

Is aithne dhomh an uair a shuidheas
tu sìos agus an uair a dh'èireas tu suas
Salm 139:2

Tha mi eòlach air do shlighean gu lèir
Salm 139:3

Tha fiù's fuiltean do chinn air an àireamh
Mata 10:29-31

Oir chaidh do chruthachadh na m' ìomhaigh
Genesis 1:27

Annamsa tha thu beò agus a' gluasad
agus a' faighinn do bhith
Gnìomharan 17: 28

Is tusa mo shliochd
Gnìomharan 17:28

Bha mi eòlach ort fiùs mus deachaidh do ghineamhainn
Ieremiah 1:4-5

Thagh mi thu an uair a dhealbh mi an cruthachadh
Ephèsianaich 1:11-12

Cha b' e mearachd a bha annad, oir tha do làithean uile
sgrìobhte na mo leabhar
Salm 139:15-16

Shuidhich mi an dearbh àm a rugadh
tu agus far am biodh tu beò
Gnìomharan 17:26

Tha thu air do chruthachadh gu
h-uabhasach agus gu h-iongantach
Salm 139:14

Dh' fhighe mi ri chèile thu ann am broinn do mhàthair
Salm 139:13

Agus thug mise a-mach thu air an là air an do rugadh tu
Salm 71:6

Chaidh aithris bhreugach a dhèanamh mu m' dheidhinn
tron fheadhainn sin nach eil eòlach orm
Eòin 8:41-44

Chan eil mi fad' às agus feargach,
ach is mise aithris choileanta a ghràidh
1 Eòin 4:16

Agus is e mo mhiann mo ghràdh a dhòrtadh a-mach ort
1 Eòin 3:1

dìreach air sgath is gur tusa mo leanabh agus gur mise d' Athair
1 Eòin 3:1

Tha mise a' tairgse barrachd dhut na b' urrainn dha d' athair
talmhaidh a thairgse dhut gu sìorraidh
Mata 7:11

Oir is mise an t-Athair coileanta
Mata 5:48

'S ann bho mo làimh-sa a tha a h-uile
tiodhlac choileanta a tha thu a' faighinn a' tighinn
Seumas 1:17

Oir is mise d' fear-buileachaidh,
agus tha mi a' coinneachadh ri d' fheumalachdan gu lèir
Mata 6:31-33

Tha mo phlana airson an ùine a tha ri thighinn an còmhnaidh
air a bhith air a lìonadh le dòchas
Ieremiah 29:11

a chionn gu bheil mi gad ghràdhachadh le gràdh sìorraidh
Ieremiah 31:3

Tha mo smuaintean dha d' thaobh-sa gun chomas a bhith
air an àireamh mar ghainneamh na tràighe
Salm 139:17-18

Agus tha mi a' dèanamh gàirdeachas thairis ort le seinn
Sephaniah 3:17

Cha sguir mi gu bràth a bhi a' dèanamh maith dhut
Ieremiah 32:40

Oir is tusa mo sheilbh luachmhor
Ecsodus 19:5

Tha mi a' miannachadh do stèidheachadh
le m' uile chridhe is anam
Ieremiah 32:41

Agus tha mi ag iarraidh rudan mòra
agus iongantach a shealltainn dhut
Ieremiah 33:3

Ma shireas tu mi le d' uile chridhe,
lorgaidh tu mi
Deuteronomi 4:29

Gabh mòr-thlachd annamsa agus
bheir mi dhut miannan do chridhe
Salm 37:4

oir is mise a thug na miannan seo dhut
Philipianaich 2:13

Tha mise an comas air barrachd a dhèanamh dhut na bhiodh
e an comas dhut smaoineachadh ma dheidhinn
Ephèsianaich 3:20

Oir is mise do neach misneachaidh as motha
2 Tesalònianaich 2:16-17


Is mise cuideachd d' Athair a tha gad
chofhurtachadh nad uile àmhgharan
2 Corintianaich 1:3-4

Nuair a tha do chridhe briste, tha mi faisg ort
Salm 34:18

Mar a bhios buachaille a giùlain uan,
tha mise air thusa a ghiùlain dlùth ri mo chridhe
Isaiah 40:11

Aon là sguabaidh mi a h-uile deur air falbh bho do shùilean
Taisbeanadh 21:3-4

Agus bheir mi air falbh an cràdh gu lèir
a dh' fhulaig thu air an talamh seo
Taisbeanadh 21:3-4

Is mise d' Athair, agus tha mi gad ghràdhachadh mar a tha
mi a' gràdhachadh mo mhic Ìosa
Eòin 17:23

Oir ann an Ìosa tha mo ghràdh air do
shon-sa air a thaisbeanadh
Eòin 17:23

Is esan am fìor fhoillseachadh dhe mo bhith
Eabhraidhich 1:3

Thàinig esan a' shealltainn gu bheil mi air do shon,
's nach ann nad aghaidh
Ròmanaich 8:31

agus airson innse dhut nach eil mi ag
àireamh do pheacaidhean
2 Corintianaich 5:18-19

Bhàsaich Ìosa airson gum faodadh rèite a bhith air a
dhèanamh eadar thusa agus mise
2 Corintianaich 5:18-19

B' e am bàs aigesan am prìomh
mhìneachadh dhe mo ghràdh air do shon
1 Eòin 4:10

Thug mi suas a h-uile nì a bu ghràdh
leam airson do ghràdh-sa a bhuannachadh
Ròmanaich 8:31-32

Ma ghabhas tu ri tiodhlac mo mhic-sa Ìosa
Crìosd tha thu gam ghabhail-sa
1 Eòin 2:23

Agus cha tèid aig nì sam bith air
thusa a dhealachadh bho mo ghràdh a rithist
Ròmanaich 8:38-39

Thig dhachaigh agus builichidh mi am
pàrtaidh as mò a chunnaic nèamh riamh
Lùcas 15:7

Bu mhise riamh an t-Athair,
agus bi mi gu bràth nam Athair
Ephèsianaich 3:14-15

'S e mo cheist...
am bi thusa nad leanabh dhomhsa?
Eòin 1:12-13

Tha mi a' feitheamh air do shon
Lùcas 15:11-32

Le gràdh, D' Athair
ACKNOWLEDGEMENTS / PERMISSION:
Special thanks to John Urquhart for translating the Father's Love Letter into Gaelic.
Please feel free to copy and share all of the resources on this page as long as you do so free of charge.