Iban Father's Love Letter Instrumental Video

Video Courtesy of Berge Boyadjian

Iban Father's Love Letter

Surat Pengerindu Apai
Pengelengau Ati Apai Ari Pemungkal Ngagai Pemandang

Nuan engka enda ngelala aku,
tang aku ngelala nuan lalu semua pekara pasal nuan temu aku.
Masmor 139:1

Aku nemu leboh maya nuan duduk
enggau maya nuan angkat bediri.
Masmor 139:2

Semua lambar bok ba pala nuan udah tesa aku magang.
Matthew 10:29-39

Nuan digaga neladan gamal aku.
Pemungkal 1:27

Dalam aku nuan idup, bejalai sereta bisi.
Kereja Rasul 17:28

Nuan meh anak aku.
Kereja Rasul 17:28

Aku udah dulu ngelala nuan sebedau nuan ada.
Jeremiah 1:4-5

Aku milih nuan leboh aku ngator semua dunya.
Epesus 1:11-12

Nuan ukai siti silap,
semua hari-hari nuan bisi ditulis dalam Bup aku.
Masmor 139:15-16

Aku nentu ka maya nuan ada sereta endor nuan diau.
Kereja Rasul 17:26

Nuan digaga naka nyelai sereta manah.
Masmor 139:14

Aku bejantil ka nuan dalam tuboh indai nuan.
Masmor 139:13

Aku ngiring nuan maya nuan ada.
Masmor 71:6

Sida ti enda ngelala aku udah mandang
ka pekara ti salah pasal aku.
John 8:41-44

Aku enda ngenyauh ka diri sereta ringat,
laban aku tu meh pengerindu ti menyana.
1 John 4:16

Peneka aku nadai betagang
mandang ka pengerindu aku ba nuan.
1 John 3:1

Kebuah bakatu laban nuan anak
aku lalu aku tu Apai nuan.
1 John 3:1

Aku meh Apai nuan ti menyana.
Matthew 5:48

Semua pemeri ti manah datai ari jari aku.
James 1:17

Aku nyedia utai ti perlu ba
nuan sereta ngenyukop ka nuan.
Matthew 6:31-33

Ator aku ka hari dudi nuan
semampai penuh enggau pengadang.
Jeremiah 29:11

Pengerindu aku ka nuan meruan belama iya.
Jeremiah 31:3

Runding aku ka nuan baka
penyampau pasir ba tebing tasik.
Masmor 139:17-18

Aku gaga ka nuan ngena lagu.
Sepaniah 3:17

Nuan reta aku, ti pemadu dikesayau ka aku.
Pemansut 19:5

Aku deka negap ka nuan enggau
pengabis ati enggau semengat aku.
Jeremiah 32:41

Aku deka mandang ka nuan utai
ti besai sereta naka iya manah.
Jeremiah 33:3

Enti nuan ngiga aku enggau pengabis ati nuan,
nuan deka tetemu ka aku.
Ulang Adat 4:29

Giga pengelantang nuan ba aku,
lalu aku deka meri nuan utai ka dikingin ati nuan.
Masmor 37:4

Aku ti meri nuan pengingin nuan.
Pilipi 2:13

Aku ulih ngereja ka nuan lebih ari ke di runding nuan.
Epesus 3:20

Aku meh peransang nuan ti pemadu manah.
2 Tesalonika 2:16-17

Aku meh Apai ti ngerindang nuan ba semua penusah nuan.
2 Korint 1:3-4

Leboh nuan asa ati, aku semak nuan.
Masmor 34:18

Baka siko pengibun ngerendut ka siko anak domba,
Aku udah mai nuan semak ati aku.
Isaiah 40:11

Bisi maya ila aku deka ngendas ai mata nuan.
Pemandang 21:3-4

Aku deka muai semua pemedis
ke di asai nuan ba dunya tu.
Pemandang 21:3-4

Aku tu Apai nuan, lalu aku rindu ka nuan
baka aku ti rindu ka anak aku, Jesus.
John 17:23

Ba Jesus, pengerindu aku ka nuan udah ayan.
John 17:26

Iya mandang ka sapa aku ti bendar.
Hebrew 1:3

Iya datai mandang ka aku setanah enggau nuan,
ukai ngelaban nuan.
Rome 8:31

Aku deka nuan nemu,
aku enda ngira dosa nuan.
2 Korint 5:18-19

Jesus mati ngambika nuan enggau aku ulih bebaik.
2 Korint 5:18-19

Pemati Jesus mandang ka pengerindu aku ka nuan.
1 John 4:10

Aku nyerahka semua ti dikesayau ka
Aku ngambika bempu pengerindu nuan.
Rome 8:31-32

Enti nuan nerima Jesus ti anak aku, nuan nerima aku.
1 John 2:23

Nadai agi utai ti ulih nyerara nuan ari pengerindu aku.
Rome 8:38-39

Pulai meh ngagai aku lalu aku
deka ngaga siti pengerami ti besai ba serega.
Luke 15:1

Aku belama ia Apai,
lalu semampai meruan meh Apai.
Epesus 3:14-15

Aku nanya nuan?
Kati deka nuan nyadi anak Aku?
John 1:12-13

Aku nganti nuan.
Luke 15:11-32

Rindu, Apai Nuan.
Allah Taala Pemadu Bekuasa
ACKNOWLEDGEMENTS / PERMISSION:
Special thanks to Margerita Murib for translating the Father's Love Letter into Iban.
Please feel free to copy and share all of the resources on this page as long as you do so free of charge.