Lun Bawang Father's Love Letter Instrumental Video

Video Courtesy of Berge Boyadjian

Lun Bawang Father's Love Letter

Lun Bawang is spoken by some 25,000 plus people an Malaysia, Indonesia and Brunei.
Surat Awa Rat Bang Niat Yama' Luk Bang Surga.
Do ngalap awa luk tekapenmu seruked ulunmu

O Anakku....

Kian iko na kali Negku. iamo Ui
kali amung-amung ratnan bururmu.
Nani Ubur 139:1

Ui kali karebmu tudo idi karebmu tuped.
Nani Ubur 139:2

Ui kali amung lawemu, terawemu idi luk ruenmu.
Nani Ubur 139:3

Amung abpuk luk lun uluhmu pangeh iniapKu.
Matius 10:20-31

Ngaceku iko pinudut maya ayuKU.
Pudut 1:26-27

Bang Negku iko mulun, iko sigio idi iko mudeng.
Kekamen Rasul 17:28

Ngaceku iko ini inulKu.
Kekamen Rasul 17:28

Ui kali namu idi nemili' namu
kareb nateh iko idi bang nakan itinam.
Yeremia 1:4-5

Ui nemili' namu rat pun-pun kareb
nateh ui nemudut amung luk baken.
Efesus 1:11-12

Iko idih, baken ngaceku nepesala',
iamo ngaceku amung-amung acomu pangeh inayud bang suratKu.
Nani Ubur 139:15-16

Ui pangeh nengeletep acomu tinganak
idi iapeh bawang inanmu mudeng.
Kekamen Rasul 17:26

Iko pinudut Ku dingan do idi laludKu.
Nani Ubur 139:14

Ui nemudut namu bang nakan tinanmu.
Nani Ubur 139:13

Idi nengeruat idi nematar namu rat karebmu tinganak.
Nani Ubur 71:6

Megai kua' lun luk na miti Negku
na kali anun ulek kekamenKu.
Yahya 8:41-44

Na Ui mado idi na Ui museh, iamo Ui,
Ieh ineh awa luk meriput.
1 Yahya 4:16

Idi geriguenKu ieh ineh pad Ui miek mare awaKu kuanmu.
1 Yahya 3:1

Amung ini miek mangun ngaceku iko anakKu idi Ui Tamanmu.
1 Yahya 3:1

Ui miek mare kuan mu luk meluun do
ratnan luk miek baren tamanmu bang tana ini.
Matius 7:11

Ngaceku Ui ini ieh ineh Tamanmu luk
meriput idi luk meligan bang surga.
Matius 5:48

Amung bare idi peruan luk do idi luk
meriput iko ngalap ratnan ticuKu sebuleng.
Yakub 1:17

Ngaceku Ui ini luk matar nemuh
idi mare amung luk petap kuanmu.
Matius 6:31-33

AturKu kuan aco luk pa-atunmu
penu' dingan repet luk meraben.
Yeremia 29:11

Ngaceku Ui mawa namu dingan awa luk meruked.
Yeremia 31:3

TeraweKu namu meluun mula idi na
miek iapin mepad kudeng bada dei tangeb abpa rayeh.
Nani Ubur 139:17-18

Idi ui mawang niat idi menani ngaceku iko.
Sepania 3:17

Na ui ugka' ngenau luk do kuan mu.
Yeremia 32:40

Ngaceku iko pupu luk pinili'Ku idi
binaweh luk meraga tutu.
Pura' 19:5

Ui ngeperuan namu idi ngeletep anu
mu ruked-ruked dingan amung niatKu.
Yeremia 32:41

Idi ui pian ngegala' kuanmu kekamen luk meluun
do luk inan nginawa luk na teh sinier idi na teh nekalimu.
Yeremia 33:3

Kudeng iko nakap Negku dingan amung
niatmu idi amung terawemu, iko miek kali Negku.
Bala Ratnan Ukum 4:29

Nakap awang niatmu dingan Ku idi
Ui miek mare amung luk pinianmu.
Nani Ubur 37:4

Ngaceku Ui luk mare geregan ineh kuanmu.
Pilipi 2:13

Ui miek ngenau dingan ela-ela anun-anun
luk pituen mu idi luk teruayenmu.
Efesus 3:20

Ui ini luk nemare ubuk luk meruked kuanmu.
2 Tesalonika 2:16-17

Ui ini Tamanmu luk mare ubuk kuan
mu bang amung-amung leso niatmu.
2 Korintus 1:3-4

Kareb iko melaso niat, Ui idi dinganmu.
Nani Ubur 34:18

Mepad kudeng lun luk matar dumba,
Ui ngabin namu muneng dengan niatku.
Yesaya 40:11

Bang aceh aco napeh,
Ui miek miid amung abpa mateh ratnan matehmu.
Bala Luk Linio 21:3-4

Ui tamanmu,
idi mawa namu mepad kudeng ui mawa AnakKu Yesus.
Yahya 17:23

Ngaceku bang Yesus, awaKu kuanmu ginala'.
Yahya 17:26

Ieh mepad ayu dinganKu.
Iberani 1:3

Ieh nacing pad ngegala Ui ini ngedengan
namu idi baken ngelawan namu.
Rum 8:31

Idi mare kali namu Ui na ngiap sala'mu.
2 Kor. 5:18-19

Yesus nate pad iko idi ui pedo' dingan Tuhan.
2 Korintus 5:18-19

AteNeh ngegala awaKu namu.
1 Yahya 4:10

Ui nenacan amung-amung luk ui
mawa pad miek mangun ku peruan kuanmu.
Rum 8:31-32

Kudeng iko ngalap bareKu lemaba AnakKu Yesus,
iko pana' nengalap negku.
1 Yahya 2:23

Na luk miek matad namu ratnan awaKu.
Rum 8:38-39


Muli iko anakKu, idi Ui pian nganau aceh irau
mawang niat luk rayeh luk na teh sinier bang surga.
Lukas 15:7

Ui lutep ku Taman mu, idi Taman Luk Meruked.
Epesus 3:14-15

Itun Ku ieh ineh...
pian ke iko mangun ku anakKu?
Yahya 1:12-13

Ui nginet namu.
Lukas 15:11-32

Dingan amung awaKu,
Ratnan tamanmu,
Tuhan Luk Melalud

ACKNOWLEDGEMENTS / PERMISSION:
Special thanks to Balang Sigar for translating the Father's Love Letter into Lun Bawang.
Please feel free to copy and share all of the resources on this page as long as you do so free of charge.