Nauruan Father's Love Letter Instrumental Video

Video Courtesy of Berge Boyadjian

Nauruan Father's Love Letter

Ngaiu

Wo nan eo tsieto,
ma Anga tsiet memak angagom
Psalm 139:1

A tsiet am megadu - megada me am oweiyo
Psalm 139:2

A tsiet deidem memak
Psalm 139:3

A ogiten odu iren tubwim memak
Matthaus 10;29-31

Anga orig awe ian Akewewo Oawit
Imin 1;27

Bwe wo tsimor me tsimine awe ian Anga
Makur 17:28

Bwe awe oangan Aeo karig
Makur 17:28

A tsietuw ngago wo eitsiok orig
Jeremia 1:4-5

A iyuw ngago A kamarareiyien makurin beo Dei
Ephesus 1:11-12

Eo pwer origem, bwe ogiten eare
angogem ian wanga buch
Psalm 139;15-16

A idit am bumin pudu me ino wo nan mek
Makur 17:26

Okamadauning me okamiow origem
Psalm 139:14

A bongebonge awe eow ian ijet inom
Psalm 139:13

A ameata awe atsin ian ijet inom
Psalm 71:6

Eo eimwi ewewidaeo eow inimagen
ngabuna ro eo tsieto
Johannes 8:41-44

A eo mek ogeow me A eo egirow bet,
bwe Anga okor akewewit eawe
1 Johannes 4:16

Eiy okor Aeo teng bwa A nim edotu aw Aeo auwe.
1 Johannes 3:1

Bwe dogin awe ngaiu me Anga Etongom
1 Johannes 3:1

Ouwak eken Aeo totow,
ea amea etongim ngea eat eb.
Matthaus 7:11

Bwa Anga Etongim ngea dogit omo
Matthaus 5:48

Eadu memak ngana omo me wo ogog,
ngaun ian beo
Jakobus 1:17

Bwa Anga amen aeogida aw memak am teng.
Matthaus 6:31-33

A tsiet ekamarar ngea omaranonuw
me oquenon okor itob.
Jeremia 29:11

Ma Auwew eow eat eauwe ngea eko tokin.
Jeremia 31:3

Aeo kamarar bwe dogum ebak eken a erauro.
Psalm 139:17-18

A ibiboki me idorodoro bwe dogum, eow iat iriang.
Zephanja 3:17

A nan eo dogin riring ngea omo bwe dogum.
Jeremia 32:40

Bwa awe okor ngaiu ngea ngaiu
atsin inimaget eponngame memak.
Aura Meta Israel 19:5

A ibibokieyuw me ogageidawianawuw
eow ean burio memak me anu memak.
Jeremia 32:41

Me A nan omeata aw imin ngan
ouwak me okamadauning.
Jeremia 33:3

Tsin ia wo onanio eow ean burioum memak,
wo nan edo.
Garagauweiet Edogor 4:29

Wo nim ibiboki Ituru me A nan
oija aw mungana burioum kongon.
Psalm 37:4

Bwa Anga okor ngea orig iow ian
burioum iteng emakamakur.
Philippi 2:13

Anga ngea kona n riring imin ngana tokit
ebak ea imin ngan wo kongon.
Ephesus 3:20

Bwa Anga ngea obebe burioum mo oweiyo-oaioa
awe iat emakur me engog memak ngan omo.
Karuworin Thessalonika 2:16-17

Anga Etongum ngea obebe burioum,
ian am roe memak.
Karuworin Korinth 1:3-4

Ngaga wo mek iat imwiyinga,
A mek bet turen aw.
Psalm 34:18

Tekeiy hirte ngag obu won schaffe,
ouga bet Aeo obu me ba-bweji awe iow in-barra.
Jesaja 40:11

Ma A nan mwinumwi'renimem atsin ean mem.
Ekameata 21:3-4

Me A nan ekeow imwiyinga,oa iong,oa emaga atsin iturum:
enuawet imin ngan adamonin.
Ekameata 21:3-4

Anga okor Etongum,
me auwew okor tekeiy Aeo auwe ngaiu, Jesu.
Johannes 17:23

Mi ian Jesu, omeata aw en Aeo auwew.
Johannes 17:26

Eiy okor Ngea oramarami' raitsitsin,
me ngea okeweou okor.
Ebraer 1:3

Eiy okor Ngea orre bwe enim omeata ngana Anga wam,
me enim eo ewitsiow awe tsinio.
Rom 8:31

Eiy Ngea enim pan aw ngan Anga eo odu am dura.
Karuworin Korinth 5:18-19

Eman Jesu, bwe amen omaerer gatar,
awe me Anga
Karuworin Korinth 5:18-19

An ima Jesu eiy oduwanen bita Aeo auwe bwe dogum.
Adamonin Johannes 4:10

A totowen wanga imin memak,
bwa A nim gonan ogok bita am auwe.
Rom 8:31-32

Tsin ia wo ogok bita eadu ngea ngaiu Jesu,
wo ogoko bet.
Adamonin Johannes 2:23

Ekeow imin o kona n mwit awe tsinin bita Aeo auwew.
Rom 8:38-39

Orre ubwiom me A nan riring ekadaro ion magit
ouwak ngea Ianweron etsiok tsiet.
Lukas 15:7

Ngagan Anga kor Etongum,
me Etongum okor eo toki.
Ephesus 3:14-15

Aeo kudu ouge…
Nan awe ngaiu oa iok?
Johannes 1:12-13

A ta daing am orre
Lukas 15:11-32

Ian Aeo auwe, Anga Etongum
Gott Togit Oaio

ACKNOWLEDGEMENTS / PERMISSION:
Special thanks to Lionel Aingimea for translating the Father's Love Letter into Nauruan.
Please feel free to copy and share all of the resources on this page as long as you do so free of charge.