Vatters Liebesbrief uf Bärndütsch

Mys Ching...

Du kennsch mi vilech nid, aber ig kenne Di genau
…Psalm 139,1

I weiss, wenn Du abhockisch oder ufsteisch
…Psalm 139,2

Alli Wääge vo Dir sy mir vertrout
…Psalm 139,3

Sogar d’Haar uf Dim Chopf sy alli zeut
…Matthäus 10,30

Du bisch gschaffe aus Biud vo mir
…1.Mose 1,27

I mir läbsch u bisch Du mit Dim ganze Sy u Würke
…Apostelgeschichte 17,28

Du bisch mi Nachkomme
...Apostelgeschichte 17,28

No bevor i Di im Lyb vor Mueter erschaffe ha, hani Di userwählt
…Jeremia 1,5

Du bisch zum voruus bestimmt worde, dür my Wille wo alls zstand bringt
…Epheser 1,11-12

Du bisch kes Missgschick, mitere Absicht bisch gschaffe worde
…Psalm 139,15-16

Jede Tag vo Dir, isch i mys Buech ygschribe
…Psalm 139,15-16

I ha feschtgleit wenn genau Du gebore wirsch u wo Du wirsch läbe
...Apg. 17,26

Du bisch so enorm wunderbar gmacht
…Psalm 139,14

I ha Di gwobe im Buuch vo Dyre Mueter
…Psalm 139,13

Sit Dir Geburt bini Di Schutz
…Psalm 71,6

I bi vo dene falsch verträtte worde, wo mi nid kenne
…Johannes 8,41- 44

I ha mi nid zrugg zoge u bi nid toube,
sondern i bi dr vollkommnig Usdruck vor Liebi
…1.Johannes 4,16

Äs isch mys Verlange, Di mit mire Liebi z’überschütte
…1. Johannes 3,1

Eifach wüu Du mis Ching bisch u ig Di Vatter bi
…1. Johannes 3,1

I biete Dir vil meh, aus dir Di irdisch Vatter je chönnt gä
…Matthäus 7,11

I bi dr vollkommnig Vatter
…Matthäus 5,48

Jedi gueti Gab und jedes vollkommnige Gschänk chunnt us mire Hang
…Jakobus 1,17

I bi Di Versorger u i gibe Dir aus wo Du bruchsch
…Matthäus 6:31-33

Mi Plan für Dini Zuekunft isch geng vou Hoffnig gsy
…Jeremia 29,11

I ha Di lieb mit ewiger Liebi
…Jeremia 31:3

Mini Gedanke, woni für Di ha, si wi dr Sang am Meer, nid d’s zeue
…Psalm 139:17-18

I fröie mi über Di u juze
…Zephanja 3,17

I wirde nid ufhöre Guets a Dir d’s tue
…Jeremia 32,40

Du bisch mis wärtvoue Eigetum
…2. Mose 19,5

I sehne mi dernah, vo ganzem Härz u ganzer Seel,
Dir äs Deheime id’s richte
…Jeremia 32:41

I wott Dir Grosses u wunderbari Sache zeige
… Jeremia 33,3

Wenn Du mi vo ganzem Härz suechsch, wirsch Du mi finge
… 5. Mose 4,29

Häb Fröid a mir, de gibeni Dir, was Dis Härz begährt
…Psalm 37:4

Äs isch mi gsy, wo Dir di Wünsch u Sehnsücht gä hett
…Philipper 2,13

I cha vil meh für Di tue, aus Du chasch erfrage oder usdänke
…Epheser 3,20

I bi Dy gröscht Ermuetiger
…2. Thessalonicher 2,16-17

I bi ou Di Vatter wo Di tuet tröschte i au Dine Lyde
…2.Korinther 1,3-4

Wenn Du äs brochnigs Härz hesch, bini nach bi Dir
…Psalm 34,18

Wi ne Hirt siner Lämmli, trageni Di ganz nach a mim Härz
…Jesaja 40:11

Eines Tags wirde ig jedi Träne vo Dine Ouge abwüsche
…Offenbarung 21,3-4

U i wirde alles Leid, alli Angscht u Schmärze wägnäh wo Du
drunger glitte hesch uf dere Ärde
…Offenbarung 21,3-4

I bi Di Vatter, i ha Di nid weniger gärn aus ig mi Suhn,
Jesus gärn ha
…Johannes 17,23

I Jesus isch mini Liebi für Di sichtbar worde
…Johannes 17,26

Är (Jesus) isch d`s genaue Spiegubiud vo mim Wäse
…Hebräer 1,3

Är isch cho für d’s zeige das ig für Di bi u nid gäge Di
…Römer 8,31

U Dir d’s säge, dass ig Diner Sünde nid aarächne
…2.Korinther 5,18-19

Jesus isch gstorbe, dass Du u ig chöi Fride ha mitenang
…2.Korinther 5,18-19

Sy Tod isch dr einzigartig Uusdruck vo mire Liebi für Di gsy
…1.Johannes 4,10

I ha aues ufgää woni ha gärn gha, für Dini Liebi d’s gwinne
…Römer 8,31-32

Wenn Du my Suhn anerchennsch, tuesch glychzytig ou mi anerchenne
…1.Johannes 2,23

U nüüt cha Di je wider trenne vo minere Liebi
…Römer 8,38-39

Chumm hei u i reise di gröschti Chiubi a, wos je gä het im Himmu
…Lukas 15,7

I bi immer Di Vatter gsi u wirde immer Di Vatter blibe
…Epheser 3,14-15

My Frag isch itze: “Wosch Du mis Ching sy?”
…Johannes 1,12-13

I warte uf Di
…Lukas 15,11-32

Ir Liebi, Di Vatter, dr aumächtig Gott

ACKNOWLEDGEMENTS / PERMISSION:
Special thanks to Rolf Joss for translating the Father's Love Letter into Swiss German.
Please feel free to copy and share all of the resources on this page as long as you do so free of charge.